اهداف فهد لعام 2026💜|مساحة خاصة🫧

طبعا بما أننا خلاص دخلنا العام الجديد، حبيت اكتب الأهداف الي اخطط لتحقيقها وبإذن الله راح اسعى حتى تكون واقع اعيشه في نهاية السنة، وبدون اي تفاصيل زيادة راح اوريكم اهدافي 💗…

طبعا تقسيم الأهداف الي اتبعه هو بناء على الأقسام يعني كل قسم احدد هدف احققه فيه،
مثلا في الجانب الروحاني هدفي الالتزام بالصلاة، وختم القرآن قراءة، واخذ عمرة عن والدتي -رحمها الله-.

عندي ستة جوانب مهتم احقق اهدافي فيها (“الجانب الروحاني، الجانب الشخصي، الجانب الدراسي، الجانب الصحي، الجانب المالي، الجانب العائلي”) وكل واحد من الجوانب عندي فيه هدف أو هدفين بحد اقصى حتى ما اتشتت 🙂‍↔️.

الجانب الشخصي عندي عدة أهداف فيه لأنه جانب مهم جدا في حياتي، واهدافي فيه بتكون كالآتي:
أولا أنهي تعلم لغة برمجة بايثون لأن السنة الماضية تعلمتها لكن ما زلت بالمستوى المتوسط واطمح اصير محترف 🧑🏻‍💻

برضو انهي تعلمي للغة الصينية، للي مو عارف أنا اتحدث بطلاقة للغة الإنجليزية والإسبانية وشوي من الفرنسية، فقررت ابدأ بتعلم اللغة الصينية لأنها لغة المستقبل ولأني احب الشعب الصيني ونفسي اطلع اكثر على ثقافاته الي غريبة بالنسبة لنا 🇨🇳

وآخر شيء انهي كتابي الي تعبت في كتابته طوال السنة الماضية لكن ما انهيته، للي ما يعرفني انا شخص احب اكتب واقرأ بشكل يومي لدرجة تحوله الى شبه إدمان، عشان كذا كتبت كتاب بعنوان هذا ما اعرفه عن الحياة باذن الله ينتهي السنة الحالية ✨

تمسك بطموحاتك وأحلامك، آمن بقدراتك وبنفسك وثق بأن تستطيع أن تصل الى ما تطمح إليه💜

في الجانب الدراسي هدفي اجيب معدل 4 ونص أو اعلى, صح يبدوا هدف غير واقعي شوي لكن بالنسبة لمعدلي الترم هذا راح احكم اذا كان الهدف ممكن أو لا + اتمنى يكون المعدل كويس لاني شديت حيلي وعملت بالأسباب والباقي بيد رب العالمين 😣

ننتقل لأهم جانب راح اركز عليه بالسنة الجديدة الي هو الجانب الصحي. طبعا وزني الحالي 62 وبالمقارنة بطولي يعتبر مثالي لكن اطمح أنه يصير 54 وباذن الله اقدر عن طريق ممارسة الرياضة والانتقال للنظام الغذائي النباتي. تركيزي بيكون عليه 😈

وبخصوص الجانب المالي والعائلي اهدافي فيه بسيطة جدا، اولا انمي عادة الادخار عندي وادخر 20% من الفلوس الي تجيني وثاني حاجة احافظ على علاقاتي مع ابوي واخواني واحرص دائما على تحسين علاقاتي بعائلتي في الدرجة الاولى واقاربي ثانيا.

بكذا وصلنا للنهاية، طبعا اوعد نفسي بأني راح اكون حريص ومنتبه وملتزم حتى احقق جميع الاهداف الي كتبتها✨✨✨

وبما أننا وصلنا لنهاية المقالة، علموني وش اهدافكم للسنة الجديدة ووش اهم الجوانب الي حابين تركزون عليها ✅ ؟